Мұғалімдердің қоғамдағы орны ерекше болуға тиіс - Президент
Президент Республика күніне орай мемлекеттік наградалар мен сыйлықтар тапсыруға арналған салтанатты рәсімде еңбек адамдарының, соның ішінде ұстаздар қауымының қоғамда алар орнына тоқталып, оларға барлық жерде құрмет көрсетілуі керек екенін айтты.
Мемлекет басшысы биыл Жолдауды жариялаған кезде Парламентке еңбек адамдарын арнайы шақырғанын атап өтті. Олардың қатарында ұстаздар да болған еді, деп хабарлайды Altaynews тілшісі Zakon.kz сайтына сілтеме жасап.
"Мұғалім болып, ұрпақ тәрбиелеу – қасиетті миссия" деген президент елімізде мыңдаған адам осы міндетін адал атқарып жүргенін тілге тиек етті.
Ол бірнеше жыл бұрын "Қазақстанның еңбек сіңірген ұстазы" атағы белгіленгенін еске салып өтті.
Сондай-ақ бүгін басқа да бірқатар мұғалім жоғары мемлекеттік марапатқа ие болды. Осы арқылы президентбарша ұстаздар қауымына ерекше ілтипатын білдірді.