Республика күніне орай тәртіп сақшылары марапатталды – ШҚО
25 қазан елімізде Республика күні атап өтіледі. Осынау айтулы мереке қарсаңында ШҚО ПД-да салтанатты іс-шара өтті.
Шара барысында өз қызметін адал атқарып, жұмыста жоғары көрсеткіштерге қол жеткізген полицейлерге арнайы атақтар, ҚР Ішкі істер министрінің және ПД бастығының медальдары, грамоталар мен алғыс хаттар табысталды, деп хабарлайды Altaynews тілшісі.
Жиын барысында сөз алған өңірдің бас полицейі полиция генерал-майоры Ерлан Омарбеков ардагерлерді, жеке құрам мен қонақтарды келе жатқан мемлекеттік мерекемен құттықтады.
- Қазақстан полициясының қалыптасуы тәуелсіз Қазақстанның даму тарихымен тығыз байланысты. Көптеген өзгерістерден кейін елде қоғамдық қауіпсіздік пен құқықтық тәртіпті қамтамасыз ететін орган қалыптасты. Шын жүректен Қазақстан Республикасы мемлекетіміздің өркендеуі жолында сіздерге зор денсаулық, отбасыларыңызға амандық, бейбітшілік, барлық игі істер мен бастамаларыңызға сәттілік тілеймін! – деді ШҚО ПД бастығы Ерлан Омарбеков.
Мерекелік шара соңында Ерлан Омарбеков оқушыларға ПД Жедел басқару орталығын таныстырып, 5 мыңға жуық бейнебақылау камераларының деректерін көрсетті.
Оқи отырыңыз
