Облыс прокуратурасында кәсіпкерлердің құқықтарын қорғау жөніндегі сараптамалық кеңестің отырысы өтті.

Кеңес барысында қолайсыз ауа райының егін жинау кезеңіне әсері мен өңірдегі аграрларды қолдау шаралары талқыланды, деп хабарлайды Altaynews тілшісі.

Айта кету керек, шілде айынын бастап Мемлекет басшысының тапсырмасы бойынша, инвестициялық жобаларды қолдап, құқықтық көмек көрсетуге баса назар аударылған болатын. Инвестицияларды тарту және халықаралық инвесторлармен ұзақ мерзімді серіктестік орнату - Қазақстан үкіметінің тұрақты басымдықтарының бірі. Осы мақсатта облыстық прокуратура алаңында фронт-офис өз жұмысын бастады. Онда кәсіпкерлер мен инвесторларды толғандырған мәселе жедел түрде шешіледі.

Бүгінгі таңда жалпыұлттық пулға енгізілген 33 жоба бар. Жұмыс басталғаннан бері жеке кейстер орнатылып, өз шешімін тапқан.

Сараптамалық кеңестің кезекті отырысының қолайсыз ауа райының диқаншыларға кері әсер етуі де сөз болды.

Атап айтқанда:

• ҚР Энергетика министрлігінің келісімімен астықты кептіру үшін дизель отынының қосымша көлемін бөлу.
• Айыппұл санкцияларын қолданбай, несиелер мен қарыздарды қайтару мерзімдері ұзартылды.
• Субсидияларды төлеу бойынша міндеттемелерді толық көлемде орындау үшін шаралар қабылданып жатыр.