Сарапшылар Қазақстан өзінің ғажайып табиғатымен көршілес елдердің ғана емес, алыс шетелден келген қонақтардың да назарын аударатынын атап өтті. Мұны ҚР Туризм және спорт министрлігі растап отыр, деп хабарлайды Altaynews.kz тілшісі.

Министрліктің ақпараты бойынша, 2023 жылдың қаңтар-қыркүйек айлары аралығында Қазақстанға келген шетелдік туристер саны 834,9 мыңға жетті. Бұл 2022 жылғы осы кезеңімен салыстырғанда 225 мыңға артық.

2023 жылдың алғашқы тоғыз айында Қазақстанға ең көп туристер Ресейден келді - 356 850 адам, қытайлықтар екінші орында - 75 131, ал үшінші орында Түркиядан келген туристер – 41 134. Көшбасшылардың бестігіне Үндістан (34 757) және АҚШ (28 160) туристері де кірді.

Айжанат Бақытқызы