Алтай және Серебрянск қалаларында жылыту пункттері жұмыс істеп тұр.

Күн райының қолайсыздығына байланысты қар құрсауында қалып қойған тұрғындар жылыту пункттеріне жеткізілген, деп хабарлайды Altainews.kz тілшісі.

Аудан әкімдігінің ақпаратына сүйенсек, қазір Серебрянск қаласындағы жылыту пунктіне 11 адам орналастырылған. Ешқайсысы медициналық көмекке мұқтаж емес.

Естеріңізге сала кетейік, облыста екі күн бойы жауған толассыз қар мен бұрқасын жел салдарынан республикалық және облыстық маңызы бар тас жолдарға шектеу қойылды. ШҚО ТЖД мамандары азаматтарға алыс жолға шықпау керектігін ескертеді.