Қар құрсауында қалған жолаушылар құтқарылды - ШҚО
Фото: egemen.kz
ШҚО-да қалың қар мен бұрқасын жел салдарынан облыстық және республикалық маңызы бар тас жолдар жабылған.
ШҚО ТЖД құтқарушылары жолда қалған тұрғындарға көмекке келді, деп хабарлайды Altainews.kz тілшісі.
"Өскемен-Алматы" тас жолында 3 көлік қар құрсауында қалған.
- Облыс орталығына арнайы көлікпен 13 жолаушы эвакуцияланды. Оның ішінде 2 қарт адам, 1 жүкті әйел мен 1 бала бар. Ауа-райының қолайсыздығына байланысты ШҚО ТЖД-да жедел штаб ашылды, онда азаматтар үшін 87232-55-38-19 нөмірі бойынша жедел желі жұмыс істейді, - делінген ШҚО ТЖД хабарламасында.
Сондай-ақ құтқарушылар тұрғындардан қауіпсіздік ережелерін қатаң сақтап, ескерту жасалған күндері жолға шықпау керектігін ескертеді.
- Ауа райына байланысты дауылды ескерту жарияланған күндері алыс жолға шығуға болмайды, - дейді құтқарушылар.
Оқи отырыңыз
