Өскемен қаласының әкімі Жақсылық Омар облыс орталығындағы Шнайдер көпірін жөндеу жұмыстарымен айналысып жатқан мердігер компанияның жұмысын сынға алды, деп хабарлайды Altainews.kz тілшісі.

Естеріңізге сала кетсек, былтырғы қараша айында Шағын айналма жол аймағындағы Шнайдер көлік көпірінің тірегінен ақау шығып, көлік қозғалысы тоқтатылған еді. Тиісті сараптама жасаған мамандар көпірдің төрт тірегі де апатты жағдайда тұрғанын анықтаған.

Сол себепті қала резервінен қаражат бөлініп, мердігер компания – «LLC ASIA» ЖШС жөндеу жұмыстарына кіріскен еді. Одан бері де шамамен екі жарым ай өтті.

Алайда бүгінгі тексерістен кейін шаһар басшысы көпірді қалпына келтіру жұмыстарының баяу жүріп жатқанына қатаң сын айтты.

                                                                               Айжанат Бақытқызы