Өткен жылдың желтоқсан айында Өскемен футболының бұрынғы даңқын жаңғырту үшін «Алтай Өскемен» атты жаңа команда құрылған.

Футбол орталығында бұрынғы «Алтай» клубының 25 маманы жұмыс істейді, деп хабарлайды Altainews.kz тілшісі.

Команда тізгінін тәжірибелі маман Сергей Лабодовский ұстады. Өскемендік ойыншылар Бірінші Лига командалары арасындаға ел біріншілігі басталғанға дейін, ақпан айының соңында, Талғар қаласында Қазақстан ұлттық құрамасының базасында оқу-жаттығу жиындарын өткізді. Соның нәтижесінде бүгін «Алтай Өскемен» ФК Бірінші Лига командаларының тізімінен табылды.

Жалпы футбол орталығында 600-ге жуық бала жаттығады. Он ұлдар тобы, үш қыздар тобы бар. Осының ішінде тоғыз топ Қазақстан футбол федерациясының толыққанды турнирлеріне қатысады.