Өскеменде нобель сыйлығы иегерінің қисса-драмасы сахналанып, театр залын көрерменге толтырды. Шығыс Қазақстан облыстық Драма театры египеттік драматург, нобель сыйлығының иегері Нагиб Махфуздың «Біздің көшенің аңыздары» романының желісімен жазылған «Үлкен үй» қисса-драмасын сахналады.

Жаңа қойылымның премьерасында театр залы көрерменге лық толы болды. Өйткені нобель сыйлығының иегері Нагиб Махфуздың шығармасы Қазақстанда алғаш рет сахналанды, деп хабарлайды Altainews.kz тілшісі.

Шытырманға толы драма өмірдің өрнектерінен сыр шертеді. Театрсүйер көрермен шетелдік автордың шығармасынан үлкен ой түйіп, үміттерін үкілеп қайтты.

Қойылым бір шаңырақтан тараған бірнеше ұрпақ әкелерінен теріс бата алып, Ібілістің азғыруымен сан алуан жағдаяттарды бастарынан кешеді. Сонда да балалардың үлкен үйге деген сағынышы, қайта оралармыз деген үміттері үзілмейді. Қойылым осылай өрбіп, көрерменді де үмітке жетелейді.