Бүгін (12 желтоқсанда) Ұлан ауданы Каменка ауылында бір үйден өрт шықты, деп хабарлайды Алтайньюс тілшісі.

Бұл туралы ішкі істер министрлігінің төтенше жағдайлар комитеті ақпар таратты.

– Өрт сөндірушілерге хабар сағат 13:15-те жеткен. Жалын 100 квадрат метр аумақты шарпыған, – делінген комитеттің ақпаратында.

Өрттен 2015, 2017 жылы туған балалар қаза тауыпты.

Облыстық полиция департаментінің мәліметіне сүйенсек, жалынды сөндіруге ауылдан 40 шақырым қашықтағы бекеттен 4 қызметкер барған.