Заңгер Ғабит Өмірбек baribar.kz тілшісіне берген сұхбатында пара талап етілген жағдайда қалай әрекет ету керегін түсіндірді, деп хабарлайды Altainews.kz тілшісі.

Маманның айтуынша, егер біреу қызметін асыра пайдаланып, пара немесе сыйлық сұраса, дереу ҚР сыбайлас жемқорлыққа қарсы іс-қимыл агенттігінің 1424 call-орталығына хабарласу қажет.

Азаматтардың арыз-шағымдары мен ұсыныстары департамент қызметкерлері арқылы толық қарастырылады, және әр өтінішке жеке қаралады. Сыбайлас жемқорлыққа тап болған жағдайда call-орталыққа хабарласып, оқиғаны баяндауға болады.

Шағымданған азаматтардың жеке мәліметтері құпия сақталады. Сонымен қатар, пара сұрау фактісі туралы хабарлаған азаматтарға ұсынылған соманың 30%-ы сыйақы ретінде берілуі мүмкін.

Кәсіпкерлер де заңсыз тексерулер немесе мемлекеттік мекемелердің қызметтері үшін негізсіз ақша талап ету фактілері туралы хабарлай алады.