С.Аманжолов атындағы ШҚУ-дың «Дене шынықтыру және спорт» білім беру бағдарламасының үшінші курс студенті Бекарыс Бекенов Катарда өткен дүбірлі доданың жеңімпазы атанды, деп хабарлайды Altainews.kz тілшісі. 

Еске салайық, Катар астанасы Доха қаласында таэквондодан халықаралық жарыс ұйымдастырылып, оған 40 елден 1 400-дан астам спортшы қатысқан болатын. Бұл жарыстың таэквондошылар үшін маңызы зор. Себебі, спортшылардың аталмыш додада еншілеген ұпайлары халықаралық рейтингте есептеледі. Сондықтан болар қатысушылар жеңіске жету үшін барын салды. Бәсеке аса тартысты өтті. Мұны жарысқа қатысқан жерлесіміз Бекарыс Бекенов та айтып отыр.

Жеңімпаздың таэквондо спортына ден қойғанына он жылдың жүзі болыпты. Осы уақыт аралығында ол Азия чемпионатынан бөлек басқа да ірі жарыстарда бақ сынаған.

Нұржан Кенжеұлы