Алтай ауданының Зубовск мектебі өзінің 65 жылдық мерейтойын атап өтті. Салтанатты шара мектеп қабырғасында өтіп, оған оқушылар, ұстаздар, еңбек ардагерлері, түлектер қатысты.

Мектептің тарихы 1959 жылдың қазан айының аяғында, сол кездегі Зырян станциясы деп аталатын мектеп ғимаратын мемлекеттік комиссия қабылдаған кезде басталды. Ал оған дейін жеті сыныптық мектеп сыныптар ретінде бейімделген сарбаздар казармасында болды. 1976 жылы 8 жылдық және орта мектептер біріктіріліп, кейін Зырян ауданының құрылуымен мектеп «Зубовск орта мектебі» атауын алды.
Осы уақыт ішінде саналы да білікті ұстаздардың жетекшілігімен мектепте алған білімінің арқасында өмірде өзін лайықты жүзеге асыра алған мыңдаған шәкірттер қанат қақты. 

Мерейтойға аудандық мәслихаттың төрағасы Л.Гречушникова және Алтай ауданы әкімінің орынбасары Ж.Аскарова арнайы келіп, мектеп ұжымын мерекемен құттықтап, алғыс хаттар мен сертификаттар табыстады. Салтанатты жиында Зубовск мектебінің жетістіктері атап өтіліп, оқушылардың олимпиадалар мен спорттық жарыстардағы табыстары айтылды. Жанна Асқарқызы өз сөзінде осы жылдар ішінде мекеме қызметі балалардың интеллектуалдық қабілеттерін дамытуға, оқушылардың шығармашылық белсенділігін ынталандыруға, олардың жеке және кәсіби өзін-өзі тануын қамтамасыз етуге жүйелі түрде бағытталғанына ерекше тоқталды. Мектеп ұжымы даму барысында үлкен жетістіктерге жетті. 

Шараның соңы оқушылардың мерекелік шығармашылық қойылыммен аяқталды.

Жетістіктер мен құндылықтарға толы 65 жылдық тарихы бар Зубовск мектебінің мерейтойы құтты болсын!