Шығыс Қазақстандағы «Батыс-Алтай мемлекеттік табиғи қорығында» орнатылған фототұзаққа бұлан түсіп қалды,- деп хабарлайды Altainews.kz тілшісі.

Қорықтың Instagram парақшасындағы ақпаратқа сәйкес, бұлан (лат. Alces) – бұғылар тұқымдасына жататын ең ірі сүтқоректілердің бірі. Аталығының денесінің ұзындығы 3 метрге дейін, биіктігі 2,3 метрге дейін жетіп, салмағы 360-600 килограммға дейін болады.

Басқа бұғылардан ерекшелігі – оның дене құрылымы мен қысқа мойны, ал аталықтарында көлемі 180 см-ге жететін үлкен күрек тәрізді мүйіздері бар. Күзгі күйлеу маусымынан кейін аталық бұлан мүйіздерін тастап, көктемде қайта өсіреді.