– Жасыратыны жоқ, қазіргі таңда біздің қоғамда салафизм ағымының жетегінде жүргендер көп және солардың қатарына қосылушылар саны азаймай отыр дегенді естиміз. Мысалы, біздің қалада да сол ағымда жүргендер кездесіп жатады. Осы дәстүрлі емес діни ағымды ұстанушыларға қандай жолмен шектеу қоюға болады?

Мұрат Ескелді,

Аягөз қаласы,

Аягөз ауданы.

Сауалға Қазақстан Мұсылмандары діни басқармасының Өскемен аймағы бойынша өкіл имамы, облыстық «Халифа Алтай» мешітінің бас имамы Ермек қажы Мұқатай жауап береді:

– Салафизм ағымының жетегінде адасып жүргендерді тек өзіміздің патриоттық сезімімізбен, ұлтшылдығымызбен, ата-бабамыздың мұрасын, салт-дәстүрін мақтан тұтумен, жерімізді бағалаумен, елімізді қорғаумен ғана баса аламыз. Сонымен қатар Қазақстан Республикасының қолданыстағы тиісті заңнамасын сақтау қажет.