Семейдің 39 жастағы тұрғыны үйінен балта жоғалғанын бір аптадан кейін байқаған. Ол полицияға арызданды, деп хабарлайды Алтайньюс тілшісі.

Ұрлық жасалған күннен бері сегіз күн өтіп кеткен болса да, полиция қызметкерлері ұрыны анықтады.

Жекеменшік үйдің ауласына жасырын кіріп, балтаны жымқырып кеткен бұрын сотты болған 38 жастағы қала тұрғыны екен. Ол ұрлық жасағанын мойындап отыр. Сотқа дейінгі тергеу амалдары басталды.