ШҚО-да Республика күніне орай кітап оқу челленджі жарияланды
pixabay.com
Кітап оқу челленджі 20 қазанға дейін жалғасады.
Қатысушылардың жас мөлшеріне шектеу жоқ, деп хабарлайды Altainews.kz тілшісі.
Челленджге қатысқысы келген адам бірнеше тақырып бойынша кітап оқуы тиіс.
Тақырыптар:
- Қазақ тарихына арналған көркем әдебиет
- Қазақ тарихына арналған жыр-дастандар
- Қазақ тарихы туралы аңыз-әфсаналар
- Тәуелсіз Қазақстан дәуіріндегі көркем әдебиет
- Тәуелсіз Қазақстан туралы деректі әдебиет
- Шығыс Қазақстан аймағы туралы кітаптар
- Қатысушы оқыған кітаптарын көрсетіп, ол туралы пікірін (видеорецензия) және өзгелерге де оқуға кеңес беретінін айтып видеоға түсуі қажет. Өзі қалаған тілде. Видео ұзақтығы 2 минут болуы керек. Түсірілген видеоларды ukcbs@mail.ru электрондық поштасына 20 қазанға дейін жолдаңыздар, - деп хабарлады Өскемен қалалық О. Бөкей атындағы кітапханасы.
Марапаттау рәсімі 25 қазан – Республика күнінде өтеді. Кітапқұмар жеңімпаздар дипломмен және арнайы сыйлықпен марапатталады.
Оқи отырыңыз
