2019 жылдың бірінші жартысында еліміздегі төрт түзеу колониясы жабылады. Бұл туралы Ішкі істер министрі Құлмұханбет Қасымов мәлімдеді, деп хабарлайды Алтайньюс тілшісі.

Түзету колонияларының жабылу себебі – тұтқындар саны азайған. Министрдің айтуынша, соңғы екі жылда мұндай жеті мекеме жабылыпты. Колонияларға бөлінген қаражат полиция қызметкерлерінің жалақысын көтеруге жұмсалмақ.

Сондай-ақ, еліміздегі түрмелердің ғимараттары 30-50 жылдары тұрғызылғандықтан жөндеуді қажет етеді екен. Осыған байланысты Ішкі істер министрлігі “Жол картасын” әзірлеп отыр.