Өскеменде полиция қызметкері қыз баланың үстінен арыз жазды, деп хабарлайды Алтайньюс тілшісі Нұр.кз сайтына сілтеме көрсетіп.

Тәртіп сақшылары отбасылық ұрыс-керіске байланысты түскен шақыртумен айтылған мекенжайға келеді. Көпқабатты үйдің баспалдағынан көтеріліп келе жатқанда әлдебір қыз кезігеді де, оларды балағаттай жөнеледі. Тіпті екі қызметкердің бірінің погонына жармасып, екіншісіне шаптан соққы жасайды.

Арадағы аздаған әңгімеден кейін боқтық айтқан қыз полиция бөлімшесіне жеткізіледі. Тәртіп сақшылары оның үстінен сотқа арыз жазады.

Сот шешімімен күдіктінің бас бостандығы жарты жылға шектелді.