2019 жылы Риддерде он шақты балабақшаны жеке меншікке беруді жоспарлап отыр, деп хабарлайды Алтайньюс тілшісі.

Бұл шаралар жергілікті әкімдіктің бастамасымен жүзеге асырылмақ. Келісімнің міндетті шарттары білім беру мекемесінің бейіні мен жұмысшылар штатын сақтау, міндеттерді орындау, мекемені тиісті жағдайда күтіп ұстау, сондай-ақ, Қазақстан Республикасы заңнамасындағы білім беру нысандарына қойылатын талаптар мен нормаларды қамтамасыз ету болып табылады.

Айта кетсек, қыркүйекте Риддердегі "Дельфин" мемлекеттік балабақшасы мен Зырян ауданындағы "Ладушки" балабақшасы жеке меншікке берілген болатын.