Семейде мүмкіндігі шектеулі жандар мен тұрмысы төмен отбасыларға тегін қызмет көрсететін денешынықтыру-сауықтыру спорт залы ашылды, деп хабарлайды Алтайньюс тілшісі.

Шаһардың 14 ықшамауданында пайдалануға берілген «GoldKing» деген атауға ие зал 100 адамды қабылдай алады екен. Спорттық нысанды өз қаражатына жеке кәсіпкер Андрей Алтайбаев салып беріпті. Мұнда келушілер тренажер және фитнес залдарына, сондай-ақ сауықтыру гимнастикасы секциясына жазыла алады. Бұған қоса спорт залында пауэрлифтингпен айналысамын деушілерге барлық жағдай жасалған.

– Бұл жерде бапкерлік қызметті қаладағы спорт мектептерінің жаттықтырушылары, кәсіпқой мамандар көрсететін болады. Мүмкіндігі шектеулі жандар мен аз қамтылған отбасыларға кіру тегін болмақ, – дейді қалалық спорт бөлімінің басшысы Мұрат Құржықаев.