Қазақстан құрамасының қоржынына төртінші алтын түсті, деп хабарлайды Алтайньюс тілшісі.

Дархан Нортаев  джиа-джитсу күресінен XVIII жазғы Азия ойындарының чемпионы атанды. 21 жастағы астаналық азамат 62 келі салмақ дәрежесінде сынға түскен болатын. Қарсылас шақ келтірмеді.  Бахрейндік Мохамед Абудрисадан - 2:0, филиппиндік Анжело Пенуден - 2:0, қырғызстандық Әбділбек Кекеноватан 2:0, сондай-ақ біріккен Араб әмірліктерінің намысын қорғаған Саид Алмазруиден - 4:0 есебімен басым түсті. Финалда тағы бір араб спортшысы Омар Әльфахлимен кездесті. Жарыстың негізгі уақытында жеңімпазды анықтай алмады қос мықты. Тек қосымша уақыта отандасымыз қарсыласын қапы қалдырды.