Жарма ауданына қарасты Көшек ауылының маңайында шөп шабу кезінде өрт шықты. Нақтырақ айтсақ, жайылымдық алқапта тұтанған қызыл жалын 25 гектар жерге дейін шарпып үлгерген.

Тілсіз жау салдарынан қысқа дайындалған 4 тонна шөптің түгі қалмай жанып кеткен. Оқиға орнына дереу жеткен құтқару жасағының қызметкерлеріне ауыл адамдары көмекке келіп, лапылдаған от 4 сағатта әрең ауыздықталған. Абырой болғанда адамдар дін аман, ешқайсысы зардап шекпеген. Қазіргі кезде өрттің шығу себеп-салдары анықталуда.