Мүмкіндігі шектеулі жандарға да мүмкіндік туғызып, жеңіске жетуіне қолдау көрсетіп жүрген жандар бар. Жақсы жандардың қолдауынан қуат алған «Күш бірлікте» мүгедектер қоғамының спортшылары жуықта республикалық турнирде жеңіс тұғырынан көрінді, деп хабарлайды Altainews.kz тілшісі.

«Күш бірлікте» мүгедектер қоғамының өкілі Нұрмағамбетов Ардақ үстел теннисінен өтетін «Кaraganda Open» атты республикалық ашық турнирге спортшыларды қатыстыру үшін қолдау іздеген. Ол аталған мәселе бойынша «AMANAT» партиясының Ұлан аудандық мәслихатының депутаты Әли Мусинге жүгініп, көмек көрсетуін сұраған.

Осылайша қолдаудан қуат алған «Күш бірлікте» мүгедектер қоғамының спортшылары үстел теннисінен өткен «Кaraganda Open» республикалық ашық турнирінде 3 орынды иеленіп қайтты.