Үйлерін су шайып кеткен 33 отбасына жаңа баспана таңдау еркі берілді. Қазіргі уақытта жылжымайтын мүліктің 21-нің құжаттары рәсімделсе, қалғаны апта соңына дейін жаңа иелеріне табысталмақ.

-Тілсіз жаудың салдарын түзетуге мемлекет бюджетінен 277,7 миллион бөлінді. Оның 81миллионы баспанамен қамтамасыз етуге, ал 196,7 миллионы құрылысты қайта қалпына келтіруге берілген,- деп мәлімдеді аудандық қаржы бөлімінің жетекшісі Ирина Пятышева.

Зырян ауданы әкімінің орынбасары Асхат Бұтақовтың айтуынша 284 үйдің жөндеу жұмыстары аяқталған, 31-ші үйде әлі де жалғасуда. Сонымен қатар мердігер компаниялар 23 баспананы жақын күндері табыстайтын көрінеді.

Ынтымақ Толқын