Ұлы Отан соғысына қатысушылар жыл көлемінде пойызбен тегін жүретін болады
2018 жылдың 1 мамырынан бастап 31 желтоқсанына дейін Ұлы Отан соғысының қатысушылары мен мүгедектері Қазақстан бойынша және ТМД елдеріне тегін сапарлар жасай алады. Бұл туралы «ҚТЖ-Жолаушылар тасымалы» АҚ мәлімдеді.
Бастаманың идеясы «Samruk-Kazyna Trust» әлеуметтік жобаларды дамыту Қоры мен «Жолаушылар тасымалы» АҚ-на тиесілі.
Ұлы Отан соғысының қатысушылары мен мүгедектеріне барлық санаттағы пойыздардың купе вагондарында, соның ішінде «Туристік» класс вагондарында және «Talgo» пойыздарындағы мүмкіндігі шектеулі адамдарға арналған купелерінен орын бөлінеді екен. Сондай-ақ, жол жүру барысында тегін тамақпен де қамтамасыз етіледі.
Тегін билеттер алу үшін жеке басын куәландыратын құжаттың түпнұсқасы және Ұлы Отан соғысының мүгедегінің немесе қатысушысының куәлігі болуы керек.