Бүгін Әуезов даңғылы бойымен бірнеше өрт сөндіру машиналары сиренасын қосып, «Император» сауда үйіне қарай бет алған. Осы мәселеге қатысты сауалмен қала тұрғындары редакциямызға хабарласты.

Оның себебі анықталды. Осы «Император» СО-ның аумағында оқу-жаттығу жұмыстары жүргізілген екен.

- Біздің қызметкерлеріміз сауда және ойын-сауық орталықтарында төтенше жағдайлар кезінде қолданылатын тактикалық әдістерді пайдалануға жаттығып жатыр, - деп түсіндірді Өскеменнің ТЖБ-ның қызметкері Марина Лискова.

Еске сала кетейік, Ресейдің Кемерово облысындағы «Зимняя вишня» ойын-сауық орталығында орын алған қайғылы оқиғаға байланысты Қазақстанның барлық қалаларында дүкендер мен сауықтыру орталықтарын тексеру туралы шешім қабылданды. Өкінішке орай, Өскемен мен Семейде тексерулер нәтижесінде көптеген заңсыздықтар анықталып отыр.