Ауыл халқы азайды ма?
Өткен жылы облыста бөлшек сауда тауар айналымының көлемі 828,5 миллиард теңгені құраған. Сондай-ақ ауыл шаруашылығы жалпы өнімінің көлемі 460 миллиард теңге болғанын айта кеткен орынды.
Былтыр өңірдегі ет, сүт, күнбағыс өндіру салаларында едәуір өсім байқалған. Ал кен өндіру және карьерларды қазу жұмыстары 0,8 пайызға азайыпты. Облыстық статистика департаментінің басшысы Әлібек Мақажановтың айтуынша, облыста электрмен жабдықтау, газ, бу беру, ауаны баптау, қалдықтарды жинау және таратуды бақылау жұмыстары кеміген. Сонымен қатар аймақта қала тұрғындарының саны 0,8 пайызға өсіп, ауыл халқының саны сәйкесінше 0,8 пайызға азайған.
– Облыстағы шағын бизнес субъектілерінің саны 16 735 бірлікті құрайды. Бұл 2016 жылғы көрсеткішпен салыстырғанда 5,9 пайызға артық, - дейді Әлібек Мақажанов.