Қазақстан тарихы мен құқықтану негіздері пәнінен 10-11 сынып оқушылары арасында өткен республикалық олимпиада өз мәресіне жетті. Өскемен қаласында ұйымдастырылған білім сынына еліміздің түкпір-түкпірінен 180-нен астам оқушы қатысқан, деп хабарлайды Altainews.kz тілшісі.

Екі кезеңде де оқ бойы озық шығып, үздіктер қатарынан көрінгендерге жоғары оқу орындарының гранты табысталды.

Өзге өңірден келген оқушыларды облыс тарихымен таныстыру үшін арнайы бағдарлама әзірленіпті. Олар қаланың көрікті жерлерін аралап, драма театрдан спектакль тамашалады, психологиялық тренингке қатысып, тимбилдинг ұйымдастырылды.

Бүгін «Ертіс Концерт» ғимаратының концерт залында жеңімпазар мен жүлдегерлерге дипломдар мен мақтау қағаздары табысталды.

Фото: Махаббат Ахметжанова