Шар локомотив жөндеу депосы  жаңа құрал-жабдықтармен толығып, америкалық технология бойынша жұмыс істеуге көшті. Оған қажетті   лицензияға да ие болды. Мұндағы мамандар онлайн оқыту курстарын тәмамдап, біліктіліктерін арттырды.

Жаңа технологияға көшу, теміржол тасымалында біраз жылдан бері мінсіз қызмет етіп келе жатқан жаңа буындағы «Эволюшн» тепловоздарының ғұмырын ұзарта түсері сөзсіз. Тағы бір белесті бағындырған мекемеде қосымша жұмыс орындары ашылып, 100-ден астам адам еңбекпен қамтылып отыр. Шар локомотив жөндеу депосының бас инженері  Ринат Ұзақовтың айтуынша, америкалық технологияға көшу арқылы локомотивтің еңбек өнімділігі де артты. Қуат көздеріне кететін шығындар азайып, уақытты тиімді пайдалануға мүмкіндік жасалды. Бұл өз кезегінде жұмысшы күшін қосымша тапсырыстар орындауға бағыттауға жағдай туғызуда.