Аягөзде бұқаралық спортты дамыту мақсатында «Street workout» спорттық алаңы ашылып, ел игілігіне берілді.

Елбасының «Болашаққа бағдар: Рухани жаңғыру» атты мақаласында жүктелген міндеттерді жүзеге асыру мақсатында еліміздің тұңғыш сыртқы істер министрі, мемлекет қайраткері Төлеутай Сүлейменовтің демеушілігімен бой көтерген алаңда жастар бос уақытында дене шынықтырумен айналысатын болады.

– Президент Нұрсұлтан Назарбаев «Туған жер» бағдарламасын қолға алуды ұсынып, әр азаматты кіндік қаны тамған жерін көркейтуге атсалысуға шақырды. Соған орай, бізде туған жерімізге деген сүйіспеншілігімізді көрсету мақсатында осы «Қозы Көрпеш Баян сұлу» саябағында «Street workout» алаңын ашуға қолдау көрсеттік, - дейді Төлеутай Сүлейменов.