Семейде «Исток» қоғамдық бірлестігі калалық ішкі саясат бөлімінің қолдауымен мүмкіндігі шектеулі балаларға арналған «Күн әлемі» атты жетінші дәстүрлі фестиваль өткізді, деп хабарлайды Аltaynews.kz тілшісі.
Өнер мерекесіне Семей шаһары, Абай және Бесқарағай ауылдарындағы арнайы мектептерде оқып жатқан бүлдіршіндер мен балалар шақырылды.
Фестиваль соңында тамаша өнерлерімен бөліскен балғындарға сый-сияпат көрсетіліп, үздік деп танылғандары арнайы мараптауларға ие болды.
Сонымен қатар қалалық маслихаттың төрағасы атынан балаларды дайындаған бірқатар тәрбиешілерге Алғыс хаттар тапсырылды.