Өскемен қаласында 11 жастағы қызды қағып кеткен жүргізушіге қатысты әкімшілік іс қозғалды, деп хабарлайды Аltaynews.kz тілшісі.

ШҚ облыстық әкімшілік полициясының ақпараты бойынша, жол апаты жексенбі күні таңертең сағат 9 шамасында «Достық» дүкенінің маңында орын алған. Он бір жастағы жасөспірім көлік астына түсіп, жамбасын сындырған.

Жол сақшыларының айтуынша, көлік апатына жол берген жүргізуші анықталып, оған қатысты әкімшілік іс қозғалды.