ШҚ облысының орталығындағы Защита шағын ауданында жаяу жүргіншіні қағып кеткен жүргізуші іздестірілуде, деп хабарлайды Аltaynews.kz тілшісі.

Облыстық жол полициясының деректеріне сәйкес, жол-көлік оқиғасы 12-қазанда сағат 22-00-де тіркелген. Зардап шегушіні қағып кеткен заң бұзушы оқиға орнынан қашып кеткен.

Көлік доңғалақтарының астына түскен жігіт әртүрлі сынықтармен ауруханаға жеткізілді. Қазір осы апатқа жол берген жүргізуші мен көлік іздестіріліп жатыр.