Алдағы сенбі 15-маусымда Өскемен қаласында кезекті Арбат-фестивалі өтеді. Бұл жолы ол денсаулық сақтау және медицина тақырыбына арналмақ, деп хабарлайды Аltaynews.kz тілшісі.

Маусым айының үшінші жексенбісінде әдетте медицина саласы қызметкерлерінің төл мерекесі тойланады. Облыстық жастар орталығының хабарлауынша, 15-маусымда барлық ниет білдіргендер Арбат фестивалі кезінде қан қысымдарын, дене қызуын өлшетіп, сонымен қатар алғашқы дәрігерлік көмек көрсетудің қарапайым тәсілдерін үйрене алады. Жиналғандарға кең көлемде қолдануға рұхсат етілген дәрумендер таратылады. Ұйымдастырушылардың айтысына қарағанда, алаңға медиктердің өздері де келіп, қалалықтарға скринингтік кеңестер береді.

Арбат бағдарламасы әдеттегідей сағат 12.00-де басталады. Бағдарлама жауын-шашын жауа қалса, өтпей де қалуы мүмкін.