Алдағы сенбі, 25-мамырда облыс орталығындағы Киров және Горький көшелерінің қиылысында дәстүрлі Арбат фестивалі ұйымдастырылады. Бұл жолғы мерекелік шаралар автокөліктерге арналмақ, деп хабарлайды Аltaynews.kz тілшісі.

Ұйымдастырушылардың сөзіне қарағанда, өскемендіктердің назарына раритетті автокөліктер ұсынылады. Дәл осы жерде қалалықтар жөндеу шеберлерінің, жол полициясы қызметкерлерінің кеңестерін ала алады.

Сонымен қатар бағдарламада аясында тұрғындар жол жүру ережелеріне арналған конкурстар мен викториналарға қатысып, білімдерін тексере алады.

Әдеттегідей мерекелік концерт қойылып, қолдан жасалған бұйымдардың жәрмеңкесі өтеді.