Ұлан ауданына қарасты Аблакетка ауылдық округінде спартакиада жарыстары өтті. Сайыстарды құттықтау сөзбен ашқан аудан әкімі Серік Төленбергенов ойынға қатысатын спортшылар мен жанкүйерлерді мерекемен құттықтап, жарыстарда сәттілік тіледі, деп хабарлайды Аltaynews.kz тілшісі.

Бәйге, жорға, аударыспақ, қол күресі және тағы басқа спорттық ойын түрлерінен өткен жарыстарға аудан тұрғындары белсене қатысты. Бәйгенің 3 түрі : 3 шақырымға, 15 шақырымға және 25 шақырымдық аламан жарыс болды.

Жарыс соңында жүлделі орындарға шыға білген спортшыларға әр округ атынан арнайы сыйлықтар табыс етілді.

Спорт мерекесі кезінде әр округ өзінің киіз үйін тігіп, бұқаралық спорт шарасына жиналғандарға дастархан жайды.