С.Аманжолов атындағы ШҚМУ ұжымының академик Зәки Ахметовтің 85 жылдық мерейтойына орай жасаған тағы бір ерекше тартуы - «Алтайдан ұшқан тастүлек» атты деректі фильм, деп хабарлайды Аltaynews.kz тілшісі.

Фильм қазақ ғылымы тарихында есімі алтын әріптермен жазылған академик З.Ахметовтің өнегелі өмірі жайлы сыр шертеді. Фильмнің сценарийін ф.ғ.к. Бақытжан Келгембаева жазып, университеттің Әлеуметтік байланыс орталығы түсірді.

Ал редакциясын университетіміздің стратегиялық даму және ғылыми жұмыс жөніндегі проректоры Бауыржан Амангелдіұлы Ердембеков басқарды.

Деректі фильмнің тұсаукесері ертең, 29 мамырда «Зәки Ахметовтің ғылыми мұрасы және ғылым мен білімнің заманауи мәселелері» атты республикалық ғылыми-практикалық конференцияның пленарлық мәжілісінде өтеді.