Облыстық балалардың құқықтарын қорғау департаменті ағымдағы жылдың бірінші жартысында қызметтерінің тиімділігін бағалау қорытындысы бойынша еліміздің өзге де аумақтық департаменттері арасында үздік шығып, бірінші орынға ие болды.
Бірінші тоқсанның қорытындысы бойынша департамент Павлодар және Қарағанды облыстарынан кейінгі үшінші орында тұрған еді.
Мұндай нәтижеге жету барысында жергілікті атқарушы билік, білім беру, денсаулық сақтау мекемелерімен қатар облыстың үкіметтік емес ұйымдары, қалың жұртшылық және жастар ұйымдарының да еңбегі зор екенін айта кеткен жөн.
Департамент мамандары өздерінің бұл орында тұрақты табан тіреп тұруы үшін әрі қарай да беріле жұмыс істейтіндерін айтады.