Енді Қазақстанда дебаттар жаңа форматпен өткізіледі. Бүгін дебаттарды әлемдік стандарт бойынша  Шығыс Қазақстан облысының оқушылары алғаш рет өткізіп көрді, деп хабарлайды Altainews.kz тілшісі.

Қазақстан бойынша бір мезетте әр облыста оқушылардың JasREPUBLIC CUP аймақтық пікірсайыс турнирі өтті. Бұл облыстық турнирге облысымыздың әр өңірінен 14-15 жас аралығындағы оқушылар қатысты. Дебат халықаралық мектеп пікірсайыс форматында (WSDF) өтті. 

Пікірсайыстың басты талабы ойыншылар бұрын-соңды дебатқа ешқашан қатыспаған болуы керек.

Пікірсайыс қорытындысы бойынша  Назарбаев зияткерлік мектебі 1-орынға, Риддер қаласының «Шаңырақ» мектебі 2-орынға, Күршім ауданының оқушылары 3-орынға ие болды.

Аймақтық турнир жеңімпаздары 25 қазан – Республика күніне орай, Астанада өтетін тұңғыш Ұлттық пікірсайыс турниріне қатысады.