Семейде полиэтиленді пакетте табылған тастанды баланы асырап алуға рұқсат берілмеді.

Тексеру кезінде нәрестеде "В" вирусты гепатит анықталған. Алайда аурудың белгілері байқалмайды. Сондықтан сәбиді қайта тексеруден өткізбек.

Бұрын хабарланғандай, наурыз айының ортасында Семей қаласының тұрғыны Ирина Кара есіктің тұтқасына ілініп тұрған полиэтиленді пакеттегі нәрестені тауып алған болатын. Ол бірден полицияға хабарлап, жедел жәрдем шақыртқан.

Полиция баланың анасын іздеуде, алайда безбүйрек ана әлі күнге дейін табылған жоқ.