Аймақ басшысы Бердібек Сапарбаев жұмыс сапарымен Шемонайха ауданының елді мекендерін аралап, жергілікті тұрғындармен кездесу өткізді. Ауылдағы ағайынның мұң-мұқтажы айтылып, толғандырған сұрақтарға жауап берілген бұл кездесулерде облыстық құқық қорғау органдарының басшылары мен басқа да жауапты лауазым иелері қатысты.

Олардың қатарында облыстық соттың төрағасы Абай Рахметуллин, облыс прокуроры Қабдолла Төлегенов, ШҚО ҰҚКД мен ІІД-нің басшылары Асқар Ақшаев және Рашид Жақыпов, салық департаментінің бастығы Уәлихан Әмірханұлы, әділет департаментінің бастығы Асхат Оразхан, облыстық қаржы полициясы мен мемлекеттік қызмет істері жөніндегі басқарманың өкілдері бар.