«Нұр Отан» партиясының қалалық бөлімшесін Өскемен қаласының әкімі Серік Тәукебаев басқарады.

Жуырда өткен кезектен тыс партияның 13-ші конференциясында С. Тәукебаевтың кандидатурасы бірауыздан мақұлданды.

Естеріңізге сала кетейік, кешегі күнге дейін қалалық партиялық ұйымды ҚР Ауыл шаруашылығы министрлігі Су ресурстары комитетінің төрағасы қызметіне тағайындалған Өскемен қаласының бұрынғы әкімі Ислам Әбішев басқарып келген болатын.

Қалалық партиялық ұйымның жаңадан сайланған жетекшісі Серік Тәукебаев әріптестеріне қолдау көрсеткені үшін алғысын білдіре келе, үміттерін ақтайтынына сендірді.