ШҚО-ның «Алтай» волейбол клубы келесі маусымда жаңа ойыншылармен толығады, деп хабарлайды Алтайньюс тілшісі.

[caption id="attachment_40044" align="alignleft" width="259"] Жулиана Ногейра[/caption]

Белгілі болғандай, мұхиттың ар жағынан келген қос ару қазір Өскеменде жүр деседі. Олар  – бразилиялық белгілі ойыншы Жулиана Ногейра мен Пуэрто-Рико құрамасының волейболшысы Юлимар Перес. Бұл екеуі келесі маусымда «Алтай» волейбол клубына қосылуы әбден мүмкін.

Айта кетсек, Ногейра - Панамерикандық ойындарының күміс медаль, Ельцин Кубогы мен Гран-при иегері, сондай-ақ,оның қанжығасында Бүкіләлемдік Универсиада-2011 ойындарының алтын медалі де бар екен. 30 жастағы бразилиялық спортшының бойы -184 см.

Ал екінші ойыншы Юлимар Перес әлі жас спортшы, ол 21 жаста. Бойы – 177 см.

Жаңа ойыншылар туралы клуб тарапынан әзірше ресми ақпарат берілген жоқ.

[caption id="attachment_40038" align="alignnone" width="701"] Фотосурет Юлимар Перестің Instagram желісіндегі жеке парақшасынан алынды[/caption]