Енді мемлекеттік органдар жеке кәсіпкерлердің құжаттарында мөр болуын талап ете алмайды, деп хабарлайды Алтайньюс тілшісі.

Бұл туралы Әділет министрлігі мәлімдеді. Кәсіпкерлік кодекске аталмыш өзгерту бизнесті үнемдеу мақсатында енгізіліп отыр. Бұдан былай субъектілерді куәландыру үшін мөр пайдаланудың қажеті жоқ, уәкілетті тұлғаның қолы қойылса жеткілікті.

Дей тұрғанмен мөр пайдалануға үзілді-кесілді тиым салынбайды.

– Жеке кәсіпкерлер мөрді пайдалану-пайдаланбауды өзі шешеді. Мөрді пайдаланбау құқығы олардың мемлекеттік органдар мен қаржы ұйымдарына қатысты істерін жеңілдетеді, – деп түсіндірді министрлік.