Наурыз мейрамын жаңаша бағытта тойлаудағы мақсаттардың  бірі - ұлттық дәстүрлерді жаңғырту, рухани құндылықтарды дәріптеу, ұлтаралық татулықты арттыру. Осы бастамаға орай елімізде Наурызнама онкүндігі аясында көптеген іс-шаралар ұйымдастырылып жатыр.

Кезекті қайырымдылық шарасын Шығыс Қазақстан облыстық дін өкілдері өткізді. Олар Ұлан ауданы Таврия ауылында орналасқан  хосписте Наурыз қоржынын және ас-су таратып қайтты, деп хабарлайды Altainews.kz тілшісі.

Облыстағы діни ұйымдардың басшылары аудан орталығында орналасқан хосписке барып, мұқтаж жандарға дастархан жайып, сыйлықтарын табыстады.

Қазіргі уақытта бұл хосписте 63 адам тұрып жатыр.

Сондай-ақ шараға «Родник» Евангельдік христиан баптистері шіркеуінің жетекшісі Владимир Вольф және өзге де дін өкілдері қатысып, қайырымдылық қоржынын таратты.