АҚШ-тың Вотервилль қаласында фристайл-могулдан әлем кубогының кезекті кезеңі өтті. Қазақстан құрамасының өкілі Юлия Галышева фристайл-могулдың параллельді түрінен қола жүлдеге қол жеткізді, деп хабарлайды Altainews.kz тілшісі Olympic.kz сайтына сілтеме жасап.

Спортшы жартылай финалға дейін сәтті өнер көрсетіп, бұл кезеңде Франциядан келген Перрин Лаффонға жол берді.

Қола медаль үшін өткен жарыста Юлия Галышева канадалық Майя Швингхаммерден басым түсті.

Алтын медальді Перрин Лаффон жеңіп алса, күміс жүлдені америкалық Джейлин Кауф иеленді.

Қазақстан құрамасынан Анастасия Городко тоғызыншы орынға тұрақтаса, Аяулым Әмренова 29-орын көрсетті.