Microsoft компаниясы бірнеше жылдар бойы қызмет етіп келген Skype платформасына ресми түрде қолдауды тоқтатты, деп хабарлайды Altainews.kz тілшісі.

Бұл шешімнен кейін бейнеқоңыраулар мен хабарламалар алмасуға арналған атақты сервис енді ресми платформа ретінде қолжетімді емес.

Skype – 2003 жылы іске қосылып, 2011 жылы Microsoft құрамына енгеннен кейін әлем бойынша миллиондаған қолданушының күнделікті байланыс құралына айналды. Қашықтан жұмыс істеу, халықаралық конференциялар мен туыстармен сөйлесу үшін бұл платформа ұзақ жылдар бойы кеңінен қолданылды.