Сегізінші қараша күні Өскемен қаласы әлемге танымал қазақстандық скрипкашы әрі дирижер, классикалық музыканың майталманы Марат Бисенғалиевті қарсы алады. Белгілі музыкант алғаш рет шығысқазақстандық тыңдарманға арнап өнер көрсетіп, Шығыс Қазақстан облыстық симфониялық оркестрімен бірге бірегей концерттік бағдарлама ұсынады, деп хабарлайды Altainews.kz.

Қазір оркестрдің әртістері бас дирижер Александр Галсановтың жетекшілігімен қызу дайындық үстінде.

Галсановтың айтуынша, әлемдік деңгейдегі әртіспен сахнаға шығу – үлкен мәртебе әрі зор жауапкершілік.

Айта кетейік, Марат Бисенғалиев – қазақстандық музыка өнерінің мақтанышы, скрипкашы-виртуоз және дирижер. Оның орындаушылық шеберлігі мен қайталанбас стилі тек ел ішінде ғана емес, шетелдік сахналарда да жоғары бағаланып келеді.
Көрермен асыға күткен концерт 8 қараша күні сағат 18:00-де ШҚО филармониясының концерт залында өтеді. Билеттерді ticketon.kz сайтынан немесе қала кассаларынан алуға болады.

Наргиз Еркінбекова
Фото: Махаббат Ахметжанова
Бейне: Жалғас Сақадиев