ҚР Қаржылық мониторинг агенттігінің Шығыс Қазақстан облысы бойынша департаменті Ұлан ауданы Шыбынды өзені аңғарында қымбат металдарды заңсыз өндіру және жер қойнауын өз бетінше пайдалану фактісі бойынша тергеп-тексеру жұмыстарын жалғастыруда, деп хабарлайды Altainews.kz тілшісі агенттікке сілтеме жасап.

Тергеу барысында «Азаматтарға арналған үкімет» филиалы директорының орынбасары заңсыз алтын өндіру ісін ұйымдастырғаны анықталған. Бұл мақсатта олар өздеріне бағынышты «EastGoldStone» ЖШС тіркеп, пайдаланып отырған. 

Тінту барысында жалпы құны 382 миллион теңге болатын 6,7 килограмм алтын, сондай-ақ 10 миллион теңге және 56 мың АҚШ доллары көлемінде қолма-қол ақша тәркіленді. Аталған қаражаттарға сот санкциясымен бұғаттау қойылды, ал күдіктілер екі ай мерзімге қамауға алынды.